JAGUAR ԿՈՆՑԵՊՏՈՒԱԼ ԱՎՏՈՄԵՔԵՆԱՆԵՐ

Jaguar C‑X16-ը առաջին անգամ ներակայացվեց 2011 թվականին՝ Ֆրանկֆուրտի ավտոսրահում։

C‑X16-ը ամենից տարբերվող երկտեղանի սպորտային ավտոմեքենա է։ Եվ ինչն առավել կարևոր է, թեպետ այն դեռևս կոնցեպտ է, այն նաև արտացոլում է ապագայի Jaguar-ների դիզայնն ու տեխնոլոգիական լուծումները։

"Jaguar-ի սիրտը միշտ բաբախել է սպորտի ռիթմով, և C-X16-ը 21րդ դարի սպորտային ավտոմեքենաների մասին մեր տեսլականի կատարյալ մարմնացումն է։ Այն արագ է, գեղեցիկ և արտացոլում է մեր ձգոտւմըէ նախագծելու էկոլոգիապես մաքուր ուժային ագրեգատներ։ Այն մարմնավորում է Jaguar-ի կրքոտ դիզայնը, կենդանական ճկունությունը և ոգեշնչող արտադրողականությունը՝ համատեղելով այս բոլոր երեք ատրիբուտները այնպես, որպեսզի մենք կարողանանք երազել ապագայի ցածր արտանետումներով աչքի ընկնող սպորտային ավտոմեքենաների մասին", - ասում է Ադրիան Հոլմարկը, Jaguar-ի գլոբալ բրենդ-տնօրենը։

Ինչպես և մինչ այդ ներկայացված C‑X75 կոնցեպտը, C‑X16-ը կասկածի տեղիք չի տալիս իր արտադրողականության առումով։ Եվ ինչպես C‑X75-ի դեպքում, ավտոմեքենայի արտաքին գրավչությունը համեմվում է տպավորիչ վիճակագրությամբ։ Այս կոնցեպտը ունակ է 0-100 կմ/ժ թափառքը իրականացնել 4,4 վայրկյանում, զարգացնում է 300 կմ/ժ առավելագույն արագություն, իսկ 80-122 կմ/ժ արագացման համար պահանջում է ընդամենը 2,1 վայրկյան։

C‑X16-ի ալյումինե թափքը հնարավորինս ամուր գրկում է առաջադեմ մեխանիկական տարրերը, իսկ ճկուն կեցվածքը ընդգծում է դինամիկ որակները։ Պարզ բայց նպատակասլաց գծերը ստեղծում են դեպի հետ սահող տանիքի ուրվագիծը՝ C‑X16-ին հաղորդելով միայն Jaguar-ին բնորոշ միաժամանակ մկանուտ ուհղկված տեսք։

Jaguar-ի դիզայնի տնօրեն Յեն Քալումը համաձայնում է․ "Jaguar սպորտային ավտոմեքենայի դիզայնը պետք է հստակ արտահայտի շարժումը, և C-X16-ը այս մոտեցման հիանալի օրինակ է։ Դրա յուրաքանչյուր գիշ տոգորված է նպատակասլացության զգացողությամբ՝ համեմված մաքրությամբ։ Այս համադրությունն է C-X16-ին հաղորդում այսպիսի եզակի կեցվածք։ Հայացք գցեք C-X16-ին՝ և կուզենաք վարել այն, և սա հենց այն զգացողությունն է, որը պետք է ապահովի Jaguar սպորտային ավտոմեքենան։"