Ձեր արտակարգ իրավիճակի և անվտանգության առանձնահատկությունների օգտագործում | Ուղեցույց

ԲԱՑԱՀԱՅՏԵՔ Jaguar ԱՎՏՈՄԵՔԵՆԱՅԻ ՍԵՓԱԿԱՆԱՏԵՐ ԼԻՆԵԼՈՒ ԱՌԱՎԵԼՈՒԹՅՈՒՆՆԵՐԸ

ՏԵՂԵԿԱՏՎԱԿԱՆ-ԺԱՄԱՆՑԱՅԻՆ ՀԱՄԱԿԱՐԳԵՐ

ԱՐՏԱԿԱՐԳ ԻՐԱՎԻՃԱԿԻ ԵՎ ԱՆՎՏԱՆԳՈՒԹՅԱՆ ԱՌԱՆՁՆԱՀԱՏԿՈՒԹՅՈՒՆՆԵՐ

Հարմարավետություն և վստահություն։ Ձեր Jaguar-ի անվտանգության հնարավորությունները սրահում տեղադրված տեխնոլոգիաների և ձեր միացված Remote հավելվածի կատարյալ համադրություն են։

ՕԳՆՈՒԹՅՈՒՆ ԱՐՏԱԿԱՐԳ ԻՐԱՎԻՃԱԿՆԵՐ ԵՎ ՃԱՆԱՊԱՐՀԱՅԻՆ

Խնդրում ենք նկատի ունենալ, որ այս ծառայությունները պահանջում են ակտիվ InControl¹ հաշիվ և Remote² բաժանորդագրություն։

ԿԱՊ OPTIMISED ASSISSTANCE CALL ԾԱՌԱՅՈՒԹՅԱՆ ՀԵՏ

1. Խափանման կամ մեքենայի վթարի դեպքում սեղմեք և բաց թողեք կոճակի կափարիչը, որը գտնվում է վերևի վահանակի ձախ կողմում։

2. Սեղմեք կոճակը 2 վայրկյան՝ Jaguar Assistance-ին զանգ սկսելու համար։³

3. Զանգը միանում է, երբ Jaguar-ի օժանդակության թիմի անդամը լսելի է դառնում։ Ձեր մեքենայի գտնվելու վայրը ավտոմատ կերպով կուղարկվի Jaguar-ի օժանդակության թիմին, որը կուղարկի ճանապարհային օգնություն կամ անհրաժեշտության դեպքում կմիացնի ձեզ Jaguar-ի վթարների օժանդակության ծառայությանը։

4. Օգտագործելուց հետո հետ մղեք կոճակի կափարիչը։

SOS ԱՐՏԱԿԱՐԳ ԶԱՆԳԻ ԿԱՏԱՐՈՒՄ

1. Արտակարգ իրավիճակի դեպքում սեղմեք և բաց թողեք կոճակի կափարիչը, որը գտնվում է առաստաղի կառավարման վահանակի աջ կողմում։

2. Արտակարգ կանչ իրականացնելու համար սեղմեք և 2 վայրկյան սեղմած պահեք կոճակը։³

3. Կանչը համարվում է միացված, երբ լսում եք արտակարգ արձագանքման թիմի անդամին։ Ձեր մեքենայի գտնվելու վայրն ավտոմատ կերպով կուղարկվի արտակարգ արձագանքման թիմին։

4. Օգտագործելուց հետո հետ մղեք կոճակի կափարիչը։

SECURE TRACKER ԵՎ SECURE TRACKER PRO ԱՌԱՆՁՆԱՀԱՏԿՈՒԹՅՈՒՆՆԵՐ

Նկատի ունեցեք, որ այս ծառայությունները պահանջում են ակտիվ InControl հաշիվ և Secure Tracker-ի կամ Secure Tracker Pro-ի բաժանորդագրություն:

ԳՈՂՈՒԹՅԱՆ ՄԱՍԻՆ ԱՀԱԶԱՆԳ

Եթե Ձեր մեքենայի համար ակտիվացել է գողության մասին ավտոմատ նախազգուշացում, Remote հավելվածում կհայտնվի «Գողության նախազգուշացում» էկրանը, կամ Դուք կստանաք SMS հաղորդագրություն։ Անվտանգության նկատառումներից ելնելով՝ Remote հավելվածի բոլոր գործառույթները կանջատվեն:

Secure Tracker Pro-ն ավելի է կատարելագործում այս գործառույթը՝ բանալու մեջ ինտեգրելով նույնականացման տեխնոլոգիա։ Դուք ահազանգ կստանաք, եթե մեքենան գործարկվի օրինական բանալուց բացի որևէ այլ միջոցով։ Secure Tracker-ը և Secure Tracker Pro-ն հաստատված և հավաստագրված են կոնկրետ շուկաներում: Լրացուցիչ տեղեկությունների համար դիմեք ձեր տեղական ներկայացուցչին։

Նկատի ունեցեք, որ այս ծառայությունները պահանջում են ակտիվ InControl հաշիվ և Secure Tracker-ի կամ Secure Tracker Pro-ի բաժանորդագրություն:⁴

ՀՍԿՄԱՆ ՌԵԺԻՄ*

Տեղեկացնելով ձեզ ձեր մեքենայի հետ ցանկացած չարտոնված փոխազդեցության մասին՝ Հսկման ռեժիմը ձեզ տալիս է լրացուցիչ հանգստություն աշխարհի ցանկացած վայրից։

Հսկման ռեժիմը ձեր Remote app հավելվածի միջոցով ակտիվացնելու համար պարզապես ձեր գլխավոր էջից ընտրեք «Անվտանգություն» կոճակը, > փոխարկիչով ընտրեք «Հսկման ռեժիմ» և միացրեք այն։ Եթե ընտրված ժամանակահատվածում որևէ ահազանգ տեղի ունենա, ծանուցումն անմիջապես կուղարկվի ձեր բջջային հեռախոսին։

Ներկայումս հասանելի է միայն որոշ շուկաներում։

ԳՈՂՈՒԹՅԱՆ ՄԱՍԻՆ ԱՀԱԶԱՆԳ՝ SECURE TRACKER ԵՎ SECURE TRACKER PRO ՀԱՄԱԿԱՐԳԵՐՈՎ

ՆԱԽՔԱՆ ՁԵՐ ՄԵՔԵՆԱՆ ՏԵՂԱՓՈԽԵԼԸ ԿԱՄ ՍՊԱՍԱՐԿԵԼԸ

ՏԵՂԱՓՈԽՄԱՆ ՌԵԺԻՄ*

Քարշակեք կամ տեղափոխեք ձեր մեքենան՝ առանց գողության ահազանգի ակտիվացման։ Ակտիվացվում է Remote app հավելվածից կամ My Jaguar InControl կայքից՝ Տեղափոխման ռեժիմը 10 ժամով կանջատի գողության ավտոմատ ծանուցումները, երբ շարժիչն անջատված է։

Տեղափոխման ռեժիմը կարող է սահմանվել նախապես ընտրված ժամանակահատվածի համար՝ առավելագույնը մինչև 72 ժամ։

ՍՊԱՍԱՐԿՄԱՆ ՌԵԺԻՄ*

Սպասարկման ռեժիմը պետք է միացված լինի, երբ ձեր մեքենան տանում եք սպասարկման, որպեսզի կանխվի գողության ահազանգի ակտիվացումը։ Սպասարկման ռեժիմը կարող է միացվել Remote Smartphone App հավելվածից կամ My Jaguar InControl կայքից։ Միացնելուց հետո մեքենան 10 ժամվա ընթացքում չի ուղարկի գողության ավտոմատ ծանուցումներ։

Սպասարկման ռեժիմը կարող է սահմանվել նախապես ընտրված ժամանակահատվածի համար՝ առավելագույնը մինչև 72 ժամ։

ԱԿՏԻՎԱՑՐԵՔ ՁԵՐ INCONTROL ՀԱՇԻՎԸ

Ձեր Jaguar-ի միացված ծառայություններից և բաժանորդագրություններից օգտվելու համար նախ անհրաժեշտ է կարգավորել ձեր տեղեկատվական-ժամանցային համակարգը և ստեղծել InControl օգտահաշիվ։

ԱԿՏԻՎԱՑՐԵՔ ՁԵՐ ՀԱՇԻՎԸ

*Եթե ձեր մեքենան անհրաժեշտ է տեղափոխման ռեժիմում կամ սպասարկման ռեժիմում պահել ավելի քան 10 ժամ, խնդրում ենք կապվել Հետևման զանգերի կենտրոնի հետ՝ օգնություն խնդրելու համար։

¹InControl-ի առանձնահատկությունները, տարբերակները և դրանց հասանելիությունը կախված են շուկայից․ տեղական շուկայում հասանելիության և ամբողջական պայմաններին ծանոթանալու համար դիմեք ձեր մանրածախ վաճառողին։ Որոշ առանձնահատկություններ պահանջում են համապատասխան SIM քարտ և տվյալների պատշաճ պայմանագիր, որը կպահանջի հետագա բաժանորդագրություն մանրածախ վաճառողի կողմից առաջարկված նախնական ժամկետի ավարտից հետո։ Բջջային ցանցի միացումը չի կարող երաշխավորվել բոլոր վայրերում։ «InControl» տեխնոլոգիայի հետ կապված ցուցադրվող տեղեկությունները և պատկերները, այդ թվում՝ էկրանները կամ պատկերաշարերը, ենթակա են ծրագրային ապահովման թարմացումների, տարբերակի վերահսկման և համակարգային/տեսողական այլ փոփոխությունների՝ կախված ընտրված տարբերակներից։ Ամբողջական պայմաններն ու դրույթները կարող եք գտնել այստեղ (հղում դեպի InControl-ի գլոբալ/տեղական պայմաններ և դրույթներ)

²Պահանջվում է InControl հաշիվ։ Բաժանորդագրման նախնական ժամկետից հետո համապատասխան առանձնահատկությունից օգտվելու համար պետք է երկարացնեք ձեր բաժանորդագրությունը և վճարեք երկարացման կիրառելի վճարները։

³Կախված է ցանցային կապից։

⁴Անհրաժեշտ է InControl Remote, Secure Tracker կամ Secure Tracker Pro բաժանորդագրություն, ինչպես նաև InControl հաշիվ։ Secure Tracker և Secure Tracker Pro ծառայությունները պետք է ակտիվացված լինեն, և մեքենան պետք է գտնվի ցանցային ծածկույթ ունեցող տարածքում։ Բաժանորդագրման նախնական ժամկետից հետո համապատասխան առանձնահատկությունից օգտվելու համար պետք է երկարացնեք ձեր բաժանորդագրությունը և վճարեք երկարացման կիրառելի վճարները։

Կամընտրական առանձնահատկությունները և դրանց առկայությունը կարող են տարբերվել՝ կախված ավտոմեքենայի բնութագրերից (մոդելից և ուժային ագրեգատից), ինչպես նաև հարմարեցվելու նպատակով կարող է պահանջվել այլ առանձնահատկությունների ավելացում։ Լրացուցիչ մանրամասների համար դիմե՛ք ձեր տեղական մանրածախ ներկայացուցչին կամ կարգավորե՛ք ձեր մեքենան առցանց։

Վարորդները պետք է օգտագործեն մեքենայի հիմնական ներառված առանձնահատկությունները միայն այն դեպքում, երբ դա անվտանգ է։ Վարորդները պետք է ապահովեն մեքենայի բացարձակ վերահսկողության մշտական պահպանումը։

Միայն համատեղելի սմարթֆոնների համար:

ՁԵՐ ԱՐՏԱԿԱՐԳ ԵՎ ԱՆՎՏԱՆԳՈՒԹՅԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՕԳՏԱԳՈՐԾՈՒՄԸ